Dua

Hakika ni dua njema kwa wanajumuiya wote pamoja na waislamu kuombea kila siku...........pia kumuomba Allah atubaliki...........
.

TUNDA LA NNE..........Hesabu kuelekea mwisho wa Ramadhan.

Watu wengi wameanza kuhesabu kwamba siku ya PILI au ya TATU,ama ya NNE tayari imepita lakini jiulize umeshafanya nini ndani ya mwezi huu kuanzia chungu MOSI ,PILI,TATU na kuendelea......umestaghafiru mara ngapi? Umewasema wangapi? Umeswali rakaa ngapi za Sunnah? Umesoma Qur-an juzuu au sura ngapi? Umetoa sadaka mara ngapi? TAFAKALI NDUGU MUISLAMU PIA CHUKUA HATUA........

MINBARI YA RAMADHAN

  


 MINBARI YA RAMADHAN RAMADHANIMINBARI YA RAMADHANI
Hii ni kutokana na mnasaba wa kuingia mwezi mtukufu wa Ramadhani. Minbari ya Ramadhani itakuwa ikikuletea mawaidha yahusiyanayo na funga ya Ramadhani, ili uweze kuijua funga na hatimaye uweze kufunga kama alivyoamrisha Mwenyezi Mungu Mtukufu na kama alivyofunga Bwana Mtume -Rehema na Amani zimshukie - ambaye ndiye kigezo chetu chema. Sambamba na Minbari ya Ramadhani, BLOG yako ya MSATEKU itakuwa ikikuletea TUNDA LA RAMADHANI. Kupitia tunda la Ramadhani utajifunza hadithi mbili tatu za Mtume zihusianazo na funga tukufu ya Mwezi mtukufu wa Ramadhani. Hadithi hizi zitakuwa zikifuatiwa na maelezo mafupi ili kuziweka wazi kwa wasomaji.
 i) MINBARI YA RAMDHANI NA KHUTBA YA MTUME KATIKA KUUKARIBISHA MWEZI MTUKUFU WA RAMADHANI :

Jueni na eleweni enyi ndugu zanguni Waislamu kwamba Mwenyezi Mungu Mtukufu amejaalia mafanikio ya duniani ni ya muda mfupi, yenye kwisha na kuondoka, na mafanikio ya akhera ndiyo yenye kusalia/kubakia milele. Haya mafanikio ya kudumu, hayapatikani ila kwa kupitia barabara ngumu ya "TAQ-WA" kumcha Mwenyezi Mungu na kumtii na kumfuata Bwana Mtume - Rehema na Amani zimshukie-. Katika jumla ya nguzo kuu za Taqwa ni kuufunga huu mwezi mtukufu wa Ramadhani ambao Allah ameujaalia kuwa ni REHMA kwa viumbe. Nao kama mjuavyo ndio mwezi ambao imeteremshwa ndani yake Qur-ani Tukufu ikiwa ni muongozo kwa watu wote. Muongozo uliosheheni hoja wazi za uongofu na upambanuzi baina ya haki na batili. Ramadhani pia ni mwezi ambao hufunguliwa ndani yake milango ya pepo na kufungwa milango ya moto. Ni kwa kuuzingatia umuhimu na nafasi ya mwezi wa Ramadhani, ndipo Bwana Mtume akaitoa Khutba yake tukufu, khutba ya kihistoria, khutba kongwe katika kuupokea na kuukaribisha mwezi mtukufu wa Ramadhani.

Imepokelewa na Salmaan Alfaarisy - Allah amuwie Radhi - amesema : Alitukhutubia Mtume wa Mwenyezi Mungu - Rehema na Amani zimshukie - katika siku ya mwisho ya mwezi wa Shaabani, akasema : "Enyi watu, umekufikieni mwezi mtukufu wenye baraka. Ndani ya mwezi huu umo usiku wa LAYLATIL QADRI usiku ambao ni bora kuliko miezi alfu moja. Mwenyezi Mungu amejaalia funga ya mwezi huu kuwa ni FARADHI na kisimamo (cha ibada) cha usiku wake kuwa ni SUNNAH. Atakayejikurubisha (kwa Mola wake) ndani ya mwezi huu kwa (kutenda) jambo lolote la kheri, (malipo, jazaa yake) itakuwa ni kama mtu aliyetekeleza fardhi katika miezi mingine. Na atakayetekeleza fardhi katika mwezi huu, atakuwa ni kama mtu aliyetekeleza fardhi sabini katika miezi mingine. Na mwezi huu ni mwezi wa SUBIRA, nao ni mwezi ambao mwanzo wake ni REHEMA na katikati yake ni MAGHFIRA/MSAMAHA WA ALLAH na mwisho wake ni KUACHWA HURU NA ADHABU YA MOTO. Yeyote atakayemfuturisha mfungaji ndani ya mwezi huu, (ujira wa futari hiyo) utakuwa ni maghfira ya madhambi yake (mfuturishaji) na kuachwa huru na adhabu ya moto na atapata ujira kama aupatao mfungaji bila ya kupungua chochote katika ujira/thawabu zake (mfungaji)". Tukasema : Ewe Mtume wa Mwenyezi Mungu, sio sote tunaweza kupata (kitu) cha kumfuturisha huyo mfungaji. (Mtume) akawajibu : "Mwenyezi Mungu humpa thawabu hizi yule atakayemfuturisha mfungaji ndani ya mwezi huu kwa onjo/funda ya maziwa au (kokwa ya) tende au funda ya maji. Na atakayemshibisha ndani ya mwezi huu mfungaji, itakuwa ujira (wa shibe hiyo) ni maghufira ya madhambi yake (mshibishaji) na Mola wake atamnywesha katika hodhi (birika) langu funda moja ambayo hatopata kiu baada yake kabisa. Na atakuwa na ujira kama aupatao mfungaji bila ya kupungua chochote katika ujira wake (mfungaji). Na atakayempunguzia kazi mtumishi/mfanyakazi wake ndani ya mwezi huu, Mwenyezi Mungu atamghufiria madhambi yake na kumuacha huru na adhabu ya moto. Basi kithirisheni sana ndani ya mwezi huu mambo manne. Mtamridhisha Mola wenu kwa kutenda mambo mawili kati ya manne hayo; na mambo mawili hamjikwasii (hamna budi) nayo. Ama hayo mambo mawili mtakayoridhisha nayo Mola wenu ni shahada (kushuhudia kwamba hapana Mola apasaye kuabudiwa kwa haki ila ALLAH) na mumtake maghfira. Na ama yale mambo mawili msiyojikwasia nayo ni mumuombe Mola wenu pepo na mjilinde/mjikinge kwake na (adhabu) ya moto". Ibn Khuzaymah katika sahihi yake.

MAELEZO : Ikiwa tunafuatana pamoja, tunaweza tukaigawa hadithi hii tukufu ambayo ni khutba kongwe iliyo hai hadi leo na itaendelea kuwa hai mpaka mwisho wa dunia. Khutba hii iliyotolewa na Khatibu mahiri, Bwana Mtume katika kuukaribisha mwezi mtukufu wa Ramadhani, inagawanyika katika sehemu kuu tatu au tuseme ina vipengele vikuu vitatu. Ukiizingatia hadithi utakuta mwanzo wa khutba yake, Bwana Mtume - Rehema na Amani zimshukie - anawafahamisha maswahaba na umma mzima juu ya utukufu, ubora, cheo na nafasi ya mwezi wa Ramadhani. Kuna hekima/falsafa gani ndani ya maelezo haya ? Mtume anauelezea mwezi wa Ramadhani ni mwezi wa namna gani ili muislamu aujue, kwani waswahili husema asiyekujua hakuthamini. Akishaujua atauthamini na kuupa hadhi yake unayostahili. Kuuthamini na kuupa heshima mwezi wa Ramdhani ni kuzidisha sana TWAA kwa Mwenyezi Mungu kwa kufanya namna mbali mbali za ibada na mambo mengine ya kheri.

Sehemu ya pili ya hadithi, Bwana Mtume anataja fadhila/faida na ubora wa mwezi wa mtukufu wa Ramadhani na kuwa ibada yeyote inayofanywa ndani ya mwezi huu hailingani kithawabu/kiujira na ile ibada inayofanywa katika miezi mingine. Kwa hiyo basi, Ramadhani ni ndio musimu wako wa ibada. Kadhalika Bwana Mtume anatuelezea malipo na thawabu adhimu anazozipata mja mwenye kumfuturisha nduguye muislamu katika mwezi huu wa Ramadhani. Hapa Bwana Mtume anaashiria moyo wa ukarimu na upendo utakiwao waislamu wajipambe na kuwa nao. Kwani waislamu wakipendana watakuwa ni wamoja na mshikamano, na wakishikamana watautawala ulimwengu na hapatakuwa na nguvu ya kuwashinda, si magharibi wala mashariki.

Kisha ndipo Bwana Mtume akaikhitimisha khutuba yake kwa kutoa wito muhimu kwa waislamu. Akawataka wakithithirishe sana kumpwekesha Mola wao kwa kuleta kalima ya shahada na wamtake sana maghfira. Hali kadhalika akawataka waislamu wakithirishe mno kumuomba Mola wao pepo na wamuombe awakinge na moto wa jahanamu. Ili kuutekeleza wito huu ndipo wanazuoni wetu wema -Allah awarehemu- wakatuwekea uradi uletwao msikitini ndani ya mwezi wa Ramadhani. Chimbuko la uradi huu ni ile sehemu ya mwisho ya hadithi. Uradi wenyewe ni huu :

ASH-HADU AN LAA ILAHA ILLA-LLAHU NASTAGHFIRULLAH, NAS-ALUKAL-JANNATA WANA'UDHU BIKA MINAN-NAAR ALLAHUMMA INNAKA AFUWWUN, TUHIBBUL-AFWA FA'FU 'ANNAA YAA KARIIM

Tunashuhudia kuwa hapana Mola apasaye kuabudiwa kwa haki ila Allah, Tunakuomba maghfira (msamaha wa madhambi) Ewe Allah, Tunakuomba pepo na tunajikinga kwako na moto, Ewe Allah, wewe mimi ni msamehevu na unapenda msamaha, basi tusamehe Ewe KARIMU.

Haya shime ndugu zanguni waislamu, tukithirishe kuuleta uradi huu ndani ya mwezi wa mavuno; mwezi mtukufu wa Ramadhani. Kwa kufanya hivyo tutakuwa tumeuitikia wito wa Bwana Mtume kwa maslahi na faida yetu wenyewe.

TUNDA LA RAMADHANI :

Karibu ndugu yangu muislamu katika bustani ya Bwana Mtume -Rehema na Amani zimshukie - uchume utakavyo na kula kiasi chako matunda matamu, mazuri yasiyokwisha hamu; matunda ya Ramadhani. Ili ufaidike na kunufaika na matunda haya unatakiwa uingie ndani ya bustani hii tukufu kwa unyenyekevu, utulivu, adabu, heshima na usikivu.

TUNDA LA KWANZA - DUA YA KUFUTURU

Amepokea Ibn Majah kutokana na hadithi ya Abdillah Ibn Amri (amesema Mtume) : YUNA MFUNGAJI WAKATI WA KUFUTURU KWAKE DUA ISIYOREJESHWA (yenye kujibiwa bila ya kipingamizi)". Ni kwa sababu hiyo ndiyo Mtume alikuwa akisema (wakati wa kufuturu) :

[ALLAHUMMA INNIY LAKA SWUMTU WA'ALAA RIZQIKA AFTWARTU FAGH-FIRLIY MAA QADDAMTU WA MAA AKHARTU DHAHABAD-DHWAMAU WABTALLIT-'URUQU WATHABATAL AJRU IN-SHAALLAHU TAALA]

Maana yake : "Ewe Mola wa haki ni kwa ajili yako tu nimefunga na nimefuturu kwa riziki yako. Basi (nakuomba) unisamehe dhambi zangu zilizotangulia na zijazo. Kiu kimeondoka na mishipa imelowana na ujira umethibiti pindipo atakapo Mwenyezi Mungu Mtukufu"

Haya shime ndugu zanguni waislamu, tumuige Mtume wetu katika hili na mengineyo ili tutengenekewe duniani na akhera. Usikubali kuipoteza fursa hii adimu ya kukubaliwa duao, omba na Mola Karimu atakupa.

TUNDA LA PILI : FADHILA ZA KUHARAKIA KUFUTURU :

Imepokelewa hadithi kutoka kwa Abuu Hurayrah - Allah amuwie Radhi - amesema, Amesema Mtume wa Mwenyezi Mungu - Rehema na Amani zimshukie- "AMESEMA MWENYEZI MUNGU : HAKIKA WAJA WANGU WAPENDEZAO SANA KWANGU NI WALE WAHARIKIAO KUFUTURU" Ahmad na Tirmidhi.

MAELEZO : Ni vema mtu akafanya haraka kufuturu, maadam ana uhakika wa kutua/kuzama kwa jua. Ikiwa hana uhakika, basi ni vema akasubiri adhana ili asije akafuturu kabla ya muda. Haya zingatia upendwe na Mola wako.

TUNDA LA TATU:Vipi Umsaidie Mwanao Afunge Mwezi Wa Ramadhani?

Ndungu Zangu katika iman(mwanajumuiya)Siyamu Ya Mtoto Ni Mas'uliya Ya Mama ,kabla ya Baba .. Nimas'uliya Kubwa Kwasababu Mtoto Hajuwi Umuhimu Wa Siyamu Katika Umri wake..Mama Mtu Anashtuka Kuwa Mtoto Wake Anamwambiya Kuwa Yeye Kafunga Lakini Hajuwi Kuwa Mwanawe Anakula.
Ndugu Zangu Kina Mama hata akina baba, Ukijuwa Kuwa Mtoto Wako Alikuwa Akila Nahuku Akikuwambiya Kuwa Yeye Kafunga Fanya yafuatayo :

1: Ukishamjua Mtoto Anafunga jaribu Kumpa vijizawadi Kwa Kila Siku
Anayo Funga. Au muwahiidi zawadi katika sikukuu ya IDD,kwa mfano kumnunulia nguo nzuri au viatu vizuri.

2: Usimfokee Na Kumwambia Kuwa Wewe Unasema Uwongo Unajidai
Umefunga Lakini Unakula Nyuma Yangu ...mwambiye Kwa Njiya
Nyengine Na Kumtolea Hadithi Za Watoto Walokuwa Wakisema
Uwongo Kwa Wazee Wao Na Natija Yake Bila Yeye Kuhisi
Unamkusudia Yeye.

3: Kumfundisha Mtoto Kufunga Kidogo Kidogo Kwa Mujibu wa Umri
Wake.

4: Kumsifu Mbele Ya Wenziwe Anapo Funga.

5: Hakikisha unawaunganisha a wanaofunga Katika Family kwa
Kufturu Pamoja Ili Ajuwe Kuwa Alokuwa Hawafungi wanafanya Makosa.

6: Usiweke Chakula Anachokipenda Mtoto Wako Mbele Yake
(sweets) Kabla Ya Iftar Akaja Akadhaifika.

7: Ahisi Mtoto Wako Katika Mwezi Mtukufu Wa Ramadhan Umuhimu
Wa Mwezi Wa Ramadhani .. Kumchukuwa Katika Darsa Kukaa Naye
Nakusoma Quraan na Hadith ...

Mara baada ya chakula, maongezi ya kubadilisha mawazo katika mambo mbalimbali hususani katika masuala ya maendeleo na taarifa mbalimbali yalianza......

Hawa nao waliahakikisha nyama ya mbuzi inatendewa haki.........brother Dadi na Omary bin Said

Brother Omary nae alikuwepo......................wachukua kijiko.....eeehhhhh?

hafla fupi

karibu wageni wangu........ndivyo anavyoonekana mwalimu mlezi akionesha mfano wa ujazaji wa sahani ili vijana wake wafurahii.............thanx Brother....

hafla fupi

Amir anajichotea supu malidhawa ya nyama ya mbuzi........mmmmmmmhhhhhhh Amir weeee......na mie bhana kidogooooo.......aliwaongoza wajumbe katika chakula hicho.

suti kaliiiii ilivaliwa................maalim S    E     S      E         M       E   nae alikuwepo..anamtendea haki mbuzi kabla ya safari ya masafa marefu kuelekea Tabora kesho yake......kila la kheri brother

hafla fupi

kazi ya maakuli ikaanza kwa vijana kushambulia nyama na maandazi kama unavyowaona pichani....brothers

hafla fupi

msosi upo tayari jamani mateeeeeee.......yanatoka....ni supu hiyo........

hafla fupi

Hawa nao walijitahidiiiii........walihakikisha utumbo hauwachwi hata kidogo........walimtengeneza mbuzi jamani.......brothers hongereni.....Omary na Dadi.....

hafla fupi

Katibuuuuu.....umekunja goti nawe kushiriki kumtengeneza mbuzii....ama hakika hafla ilikuwa nzuri.

Makhut......nao walikuwepo kuhakikisha mambo yanaenda sawa.......Sister Ajuna na Hawa walikuwa ni watu wa jikoni ili hafla hiyo ifanikiwe.

Amir mstaafu Brother Mussa Majugwe alihakikisha nyama yaliwa........alishiliki katika kumtengeneza mbuzi......huku Amir Abdul-Salaam....anamsaidia kuivuta.....huku brother Yusufu na Amur(Naibu Amir wa mkoa TAMSYA)wakifuatilia tukio hilo......

Brother Yusufu unauchuuuuu..........haya naona kaudenda kanakutoka hapo......ondoa kichwa shekh......

Hafla fupi....

Tarehe 8-07-2012,siku ya Jumapili,siku moja mara baada ya kufunga chuo,mwalimu wetu mlezi aliandaa hafla fupi kutakiana baraka na kuuagana pia kubadilishana mawazo na baadhi ya wanajumuiya,hafla hiyo ilifanyika nyumbani kwake.....kama unavyoona alidondoshwa mbuzi.....brother Amry anashughulika kumchuna ngozi,pembezoni mwalimu mlezi akiwa anafanya mawasiliano ili mambo yaende sawa...

mahafali

Brothers wakiwa wanafuatilia  kwa umakini jinsi mahafali kati ya MSATEKU na MIST ilivyokuwa yafana.

Brother Ibrahim ni mmoja kati ya wanataaluma wanaoipa support ya kutosha MSATEKU ili kufikia katika kilele cha mafanikio kwa mambo yao yote walioyafanya,watakaoyafanaya na wanayoyafanya ndani ya jiji la Mbeya.......Allah akubaliki sana Brother pamoja na viongozi wa MSATEKU,kushoto ni Amir wa jumuiya ABDUL-SALAAM.

Hakika ilikuwa ni siku muhimu kwa watu au jumuiya ya Mbeya....wazee,vijana na hata watoto walijitokeza kushuhudia kilichoandaliwa na MSATEKU katika siku ya Hijjab...hongereni sana MSATEKU........!!!!!

Vazi la Hijabb

MSATEKU inawashirikisha vijana mbalimbali wa mjini Mbeya katiaka kuhakikisha UISLAMU unaenda mbele ndani ya Mbeya.....hapa Sister Zaynab na Saida Kemo wakihakikisha vazi la HIJJAB kwa vijana wao linatekelezwa...hususani kwa watoto wa shule.....wao wakiwa kama walimu kwa wanafunzi hao....katiaka onyesho la mavazi...kipengele cha vazi la shule kwa wanafunzi na walimu wao.

chakula cha hisani

Hapa utakubaliaana nami kuwa kulipatiakana pesa ijioni hiyo.....................wajionea mwenyekiti wa Chakula cha Hisani Brother Nasri na mwekehazina wake Sister Zaynab Kalulu wakimfuatilia katibu Brother Amry J atoe hesabu sahihi za minoti iliyohesabawa jioni hiyo.

Chakula cha Hisani

Katibu Brother Amry .J na walimu walezi Mr. Allawi Mikidadi na Nchimbi Khamisi,wakiwa na furaha ya kuona maendeleo mazuri ya shughuli ya chakula cha hisani ikiwa inaendelea.......shughuli ilifanikiwa sana takribani Millioni 3 zilitarajiwa kukusanywa katika jioni hiyo.Hongereni sana MSATEKU.

Chakula cha Hisani

Mwalimu Mlezi Mr.Khamis Yunus Nchimbi kishiliki katika shughuli ya chakula cha Hisani kilichoandaliwa na MSATEKU kwa lengo la kuboresha mfuko wa Mradi wao ambao upo karibuni kukamilika....hapa alikuwa anakaribisha wageni waalikwa na kuhamasisha suala la kutoa...pembeni kushoto ni Katibu wa Jumuiya Brother AMRY .J na kulia ni Amir mstaafu Brother Mussa Majugwe.

Hawa ni baadhi ya viongozi wa MSATEKU katika picha ya pamoja......wote wakiwa na bashasha ya ufanyaji kazi nautekelezaji wa majukumu yao ndani ya Jumuiya....wakiwa na maamir wao.....Amir mstaafu Brother MUSSA MAJUGWE na Brother ABDUL-SALAAM.

shughuli mbalimbali za MSATEKU

Wakati wa IDD ya Mfungo TATU,Jumuiya ilitimiza SUNNAH ya kuchinja hapa baadhi ya wanajumuiya wa kihakikisha tendo hilo linakamilika alieshika kisu ni Brother Kimaro,wakati ni Brother Ridhiwan na Brother Mohamed....pembezoni ni Brother Amur...hongereni sana wanajumuiya.

wana jumuiya ya msateku wakiwa katika mahafali

ndani ya mahafali brother Mtunzi na Seph Abdallah.

Maendeleo ya Mradi

Assalam alaykum............!!!!Jumuiya ya MSATEKU inaelekea kukumilisha ndoto zake mbalimbali iliyojiwekea kwa uwezo wa ALLAH....inawezekana hujui kinachoendelea ndani ya Mbeya kwa hivi sasa mwana Jumuiya wetu.....Tayari shughuli za maandalizi ya Jengo kubwa la Mradi linafanyiwa tathmini ya kina,chini ya mafundi wakuu na Mlezi wetu.Imani yangu wataka kujionea picha za huko Mbeya jinsi mambo yanavyoendelea....tunakuahidi juhudi zinaendelea za kuzipata picha.....mara tu zikitufikia....hatutokuwa na choyo za kukurushia katika blog yako pendwa ya MSATEKU.......tunakutakia mapunziko mema na maandalizi mema ya Mfungo wa Ramadhan......Inshallah AMIN.